"Мектепке жол" акциясы -2022 жыл

"Мектепке жол-шекарасыз жақсылық"📚🛍💼
Абай облысы, Үржар ауданы "Ахмет Байтұрсынұлы атындағы орта мектебі" КММ-сі жыл сайынғы «Мек­тепке жол» республикалық ак­циясының басталуын жариялайды. «Мектепке жол» акциясы аз қамтылған және көп балалы отбасылардың оқушыларына кө­мек көрсетуге және әлеуметтік себептер бойынша балалардың мектепке бармауының алдын алуға бағытталған. Бұл акция 1 тамыз – 30 қыркүйек аралығында өтеді. Акция шеңберінде балалар кеңсе керек-жарақтарымен, киіммен қамтылады, де­меу­шілік көмектер көрсетіледі. Сонымен қатар биыл акция аясында білім беру ұйым­дары тамыз-қыркүйек айларында бірқатар іс-шараларды ұйымдастыратын болады. Әрбір елді мекенде, фермаларда «тәуекел тобындағы» (қада­ғалаусыз және панасыз балалар, әлеуметтік жағдайы төмен отбасылардан шыққан балалар т.б.) балаларды анықтау үшін рейд жүргізіледі. Рейдтердің қоры­тындысы бойынша «тәуекел тобындағы» отбасылардан шыққан және әлеуметтік көмек­ке мұқтаж бала­лардың персо­налды тізімдері жасалып, білім беру ұйымдарына және де­меушілерге беріледі. Акция аясында білім беру ұйым­дарын­да сенім телефондары мен қо­ғам­дық қабылдаулардың үзіліссіз жұмысы ұйым­дас­тырылады. "Мек­тепке жол» акциясы 30 қыркүйек­ке дейін жалғасады жә­не оған белсенді қатысуға мүм­кін­дік бар.